पिंपळपान

काजव्यांनी बहरलेला 

पिंपळ आठवतो 

जाळीच्या पानासाहित 

आठवणी वहीत साठवतो .....

तिथेच दडली आहे 

भुताच्या गोष्टीतली चेटकीण 

एक रात्र काढून दाखव 

असली केली होती बेटिंग 

आठवते ते पोपटाचे घरटे 

कावळ्यांची कावकाव 

सुतार पक्ष्याची ठक ठक 

चिमण्यांची कलकल 

तळ्यात पडलेले पान कधी 

मुंगीचे प्राण वाचवते 

कबुतराला परतफेड करत 

परोपकाराचा धडा शिकवते 

आठवणीना माझ्या 

असा येतो उमाळा

तळ्यात पडलेले पान जसे

पाण्याला देते शहारा

..............◄♪♫ संदिप पाटील ♫♪►

निर्माल्य

सजले वेलीवरती 

एक फुल कोवळेसे

जन्मताच होते 

तव शाप निर्माल्याचे 

म्हणती त्या कुणीही 

तुज भाग्य हे लाभले 

हि रीत जोगव्याची

का कुणास पटते 

गर्दीत त्या फुलांच्या 

कोमेजून ते गेले 

प्रक्तानास तयाच्या

जगणे मंजूर नव्हते

                                  

                               .....◄♪♫ संदिप पाटील ♫♪►

आठवणी

टेरेस २४ ऑक्टोबर

कोण फोडणार हा फोपेटा?

टेरेस गार्डन (सदाफुली)

टेरेस गार्डन (१७ ऑक्टोबर)

दुर्गापूजा दसरा (GTL महापे)

Place in My Memories (साईबाबा मंदिर रसायनी)

A Place in My Memories (चौल राममंदिर)

मी तुझी कुणी नव्हते आणि कुणी नाही

मी तुझी कुणी नव्हते आणि कुणी नाही
विसर सर्व घडलेले, विसर तू मलाही

झुरते बन माडांचे, आणि शुक्रतारा
भरतीचे स्वप्न बघत, विकल का किनारा
रंग रंग विरले रे, खिन्न दिशा दाही

सांजवेळ, संथ डोह, हाक जीवघेणी
शब्दाविण डोळ्यांनी, वाचिली कहाणी
तो वेडा स्पर्श काय, छळिल रे तुलाही

का, चुकल्या वाटा अन् का घडल्या भेटी
का जपले दवहळवे, गीत तुझ्यासाठी
सूरसूर बुडले रे, अदय या प्रवाही

सूर मनांतिल कधिही, आणु नये ओठी
लावु नये जीव असा, कधिच कुणासाठी
निर्माल्यच ये करात, गंध उडुन जाई

पुढल्या जन्मीच पुरे हे अधुरे गाणे
पुढल्या जन्मीच पुरे स्वप्न हे दिवाणे
चुरलेली शपथ तिथे विसरणार नाही

- मंगेश पांडगावकर   

टेरेस गार्डन (२८ सप्टेंबर)

माझी फोटोग्राफी (Random Flowers )

गजानना श्री गणराया (पेण)