Wednesday, December 22, 2010

पिंपळपान





काजव्यांनी बहरलेला 

पिंपळ आठवतो 
जाळीच्या पानासाहित 
आठवणी वहीत साठवतो .....


तिथेच दडली आहे 
भुताच्या गोष्टीतली चेटकीण 
एक रात्र काढून दाखव 
असली केली होती बेटिंग 


आठवते ते पोपटाचे घरटे 
कावळ्यांची कावकाव 
सुतार पक्ष्याची ठक ठक 
चिमण्यांची कलकल 


तळ्यात पडलेले पान कधी 
मुंगीचे प्राण वाचवते 
कबुतराला परतफेड करत 
परोपकाराचा धडा शिकवते 


आठवणीना माझ्या 
असा येतो उमाळा
तळ्यात पडलेले पान जसे
पाण्याला देते शहारा


..............◄♪♫ संदिप पाटील ♫♪►

2 comments:

Related Posts Plugin for WordPress, Blogger...