मागु नको सख्या, जे माझे न राहिलेले
ते एक स्वप्न होते स्वप्नात पाहिलेले !
स्वप्नातल्या करांनी, स्वप्नातल्या तुला मी
होते न सांग का रे सर्वस्व वाहिलेले ?
स्वप्नात वाहिलेले म्हणुनी कसे असत्य
स्वप्नास सत्य असते सामील जाहलेले
स्वप्नातल्या परीला स्वप्नात फक्त पंख
दिवसास पाय पंगु अन् हात शापिलेले
स्वप्नात परीला स्वप्नात ठेवुनी जा
हे नेत्र घेऊनि जा स्वप्नात नाहलेले
जा नेत्र घेऊनि जा स्वप्नांध पांगळीचे
आता पहावयाचे काही न राहिलेले
गीत - विंदा करंदीकर
No comments:
Post a Comment