वेड्या मना

वेड्या मना सतवीशी लहरीतही उठवीशी प्रिय हा सखा जरी मनी भिरभिरतो छरछरतो सारखा जल घेउनी नभी तो सागरा समान भासे आवडे जरी नभी तो का उगा उगाच वाजे रात सारी जागवीतो साद सारखि घालितो गडगडतो रे मेघ का काजवा जसा रात्री तो कळोखास भेदु पाहि म्हणे दिवा अंधारी मी तरी भिती दुर नाहि बात का फुकाच करीतो तुझा ना प्रकाश पडतो लुकलुकतो रे हा दिवा

श्रावणात घन निळा

श्रावणात घन निळा बरसला रिमझिम रेशिमधारा 

उलगडला झाडांतुन अवचित हिरवा मोरपिसारा

जागुनि ज्याची वाट पाहिली ते सुख आले दारी

जिथे तिथे राधेला भेटे आता श्याम मुरारी

माझ्याही ओठांवर आले नाव तुझेच उदारा

रंगांच्या रानात हरवले हे स्वप्नांचे पक्षी

निळ्या रेशमी पाण्यावरती थेंबबावरी नक्षी 

गतजन्मीची ओळख सांगत आला गंधित वारा

पाचूच्या हिरव्या माहेरी ऊन हळदिचे आले

माझ्या भाळावर थेंबाचे फुलपाखरू झाले

मातीच्या गंधाने भरला गगनाचा गाभारा

पानोपानी शुभशकुनाच्या कोमल ओल्या रेषा

अशा प्रीतिचा नाद अनाहत, शब्दावाचुन भाषा

अंतर्यामी सूर गवसला, नाही आज किनारा

 

 

गीत - मंगेश पाडगावकर

गावाकडचे फोटो

मज सुर गवसले (Maj Sur gavasale)

One of My Favorite Songs From "Vedya Mana"

मज सुर गवसले प्रितीचे 

हे बोल तुझे वदता वदता

प्रेम मनीचे तुझ्या कळे

प्रेमात तुझ्या पडता पडता

शब्दामधली जादु वदली

ओठावरहि चाल उमटली

भाव माझे तुझ्याच ओळी

जाणिसी लिहिता लिहिता

आज अचानक नाते नाजुक 

कोठून जुळले कुणास ठाऊक

 तुलाच शोधे मन हे आतुर

जड़े नयनी तू स्मरता स्मरता

Crazy Betel Nut Tree (5 in 1),

One of photos clicked by me at Revdanda (Alibag, India) Showing a betelnut (Areca Nut)tree with five branches.. Rare to see...

बलसागर भारत होवो (Balsagar Bharat Hovo)

बलसागर भारत होवो, विश्वात शोभुनी राहो

हे कंकण करि बांधियले, जनसेवे जीवन दिधले

राष्ट्रार्थ प्राण हे उरले, मी सिद्ध मरायाला हो

वैभवी देश चढवीन, सर्वस्व त्यास अर्पीन

तिमीर घोर संहारीन, या बंधु सहाय्याला हो

हातांत हात घेऊन, हृदयास हृदय जोडून

ऐक्याचा मंत्र जपून, या कार्य करायाला हो

करि दिव्य पताका घेऊ, प्रिय भारतगीते गाऊ

विश्वास पराक्रम दावू, ही माय निजपदा लाहो

या उठा करू या शर्थ, संपादु दिव्य पुरुषार्थ

हे जीवन ना तरि व्यर्थ, भाग्यसूर्य तळपत राहो

ही माय थोर होईल, वैभवे दिव्य शोभेल

जगतास शांति देईल, तो सोन्याचा दिन येवो

----- साने गुरुजी

हे राष्ट्र देवतांचे (He Rashtra Devatanche)

हे राष्ट्र देवतांचे, हे राष्ट्र प्रेषितांचे

आ-चंद्रसूर्य नांदो, स्वातंत्र्य भारताचे

कर्तव्यदक्ष भूमी, सीता-रघुत्तमाची

रमायणे घडावी येथे पराक्रमांची

शिर उंच उंच व्हावे, हिमवंत पर्वतांचे

येथे नसो निराशा, थोड्या पराभवाने

पार्थास बोध केला, येथेच माधवाने

हा देश स्तन्य प्याला, गीताख्य अमृताचे

येथेच मेळ झाला सामर्थ्य-संयमाचा

येथेच जन्म झाला सिद्धार्थ गौतमाचा

हे क्षेत्र पुण्यदायी, भगवन्‌ तथागताचे

हे राष्ट्र विक्रमाचे, हे राष्ट्र शांततेचे

सत्यार्थ झुंज द्यावी, या जागत्या प्रथेचे

येथे शिवप्रतापी, नरसिंह योग्यतेचे

येथे परंपरांचा सन्मान नित्य आहे

जनशासनातळीचा पायाच 'सत्य' आहे

येथे सदा निनादो, जयगीत जागृतीचे

.-----ग. दि. माडगूळकर

हे हिंदु-नृसिंहा प्रभो शिवाजीराजा (He Hindu NruSinha)

हे हिंदुशक्ति-संभूत-दिप्ततम-तेजा

हे हिंदुतपस्या-पूत ईश्वरी ओजा

हे हिंदुश्री-सौभाग्य-भूतिच्या साजा

हे हिंदु-नृसिंहा प्रभो शिवाजीराजा

करि हिंदुराष्ट्र हें तूतें । वंदना

करि अंतःकरणज तुज, अभि- नंदना

तव चरणिं भक्तिच्या चर्ची । चंदना

गूढाशा पुरवीं त्या न कथूं शकतों ज्या

हे हिंदु-नृसिंहा प्रभो शिवाजीराजा

हा भग्न तट असे गडागडाचा आजी

हा मग्न आज जयदुर्ग आंसवांमाजी

ही भवानिची ह्या पुन्हा गंजली धारा

ती म्हणुनी भवानी दे न कुणा आधारा

गड कोट जंजिरे सारे । भंगले

जाहलीं राजधान्यांची । जंगले

परदास्य-पराभविं सारीं । मंगले

या जगति जगूं ही आज गमतसे लज्जा

हे हिंदु-नृसिंहा प्रभो शिवाजीराजा

जी शुद्धि हृदाची रामदासशिर डुलवी

जी बुद्धि पांच शाहींस शत्रुच्या झुलवी

जी युक्ति कूटनीतींत खलांसी बुडवी

जी शक्ति बलोन्मत्तास पदतलीं तुडवी

ती शुद्धि हेतुची कर्मी । राहुं दे

ती बुद्धि भाबड्या जीवां । लाहुं दे

ती शक्ति शोणितामाजीं । वाहुं दे

दे मंत्र पुन्हा तो, दिले समर्थें तुज ज्या

हे हिंदु-नृसिंहा प्रभो शिवाजीराजा

----- स्वातंत्र्यवीर सावरकर

जयोस्तुते (Jayostute)

जयोस्तुते श्रीमहन्मंगले ! शिवास्पदे शुभदे

स्वतंत्रते भगवती ! त्वामहं यशोयुतां वंदे

राष्ट्राचे चैतन्य मूर्त तू नीती-संपदांची

स्वतंत्रते भगवती ! श्रीमती राज्ञी तू त्यांची

परवशतेच्या नभात तूची आकाशी होसी

स्वतंत्रते भगवती ! चांदणी चमचम लखलखसी

वंदे त्वामहं यशोयुतां वंदे

गालावरच्या कुसुमी किंवा कुसुमांच्या गाली

स्वतंत्रते भगवती ! तूच जी विलसतसे लाली

तू सूर्याचे तेज, उदधीचे गांभीर्यहि तूची

स्वतंत्रते भगवती ! अन्यथा ग्रहण नष्ट तेची

वंदे त्वामहं यशोयुतां वंदे

मोक्ष-मुक्ति ही तुझीच रूपे तुलाच वेदांती

स्वतंत्रते भगवती ! योगिजन परब्रम्ह वदती

जे जे उत्तम उदात्त उन्नत महन्मधुर ते ते

स्वतंत्रते भगवती ! सर्व तव सहचारी होते

वंदे त्वामहं यशोयुतां वंदे

हे अधम-रक्तरंजिते, सुजन पूजिते, श्रीस्वतंत्रते

तुजसाठि मरण ते जनन, तुजवीण जनन ते मरण

तुज सकल चराचर शरण, चराचर शरण, श्रीस्वतंत्रते

वंदे त्वामहं यशोयुतां वंदे

----- स्वातंत्र्यवीर सावरकर

महाराष्ट्र गीत (Maharashtra Geet)

जय जय महाराष्ट्र माझा, गर्जा महाराष्ट्र माझा

रेवा वरदा, कृष्णा कोयना, भद्रा गोदावरी

एकपणाचे भरती पाणी मातीच्या घागरी

भीमथडीच्या तट्टांना या यमुनेचे पाणी पाजा

भीती न आम्हा तुझी मुळीही गडगडणा-या नभा

अस्मानाच्या सुलतानीला जबाब देती जिभा

सह्याद्रीचा सिंव्ह गर्जतो, शिव शंभू राजा

दरीदरीतुन नाद गुंजला, महाराष्ट्र माझा

काळ्या छातीवरी कोरली, अभिमानाची लेणी

पोलादी मनगटे खेळती, खेळ जीवघेणी

दरिद्र्याच्या उन्हात शिजला

निढळाच्या घामाने भिजला

देशगौरवासाठी झिजला

दिल्लीचेही तख्त रखितो महाराष्ट्र माझा

----- राजा बढे

वन्दे मातरम् (Vande Mataram)

वन्दे मातरम्

सुजलां सुफलां मलयजशीतलाम्

शस्यशामलां मातरम् ।

शुभ्रज्योत्स्नापुलकितयामिनीं

फुल्लकुसुमितद्रुमदलशोभिनीं

सुहासिनीं सुमधुर भाषिणीं

सुखदां वरदां मातरम् ।। १ ।। वन्दे मातरम् ।

कोटि-कोटि-कण्ठ-कल-कल-निनाद-कराले

कोटि-कोटि-भुजैर्धृत-खरकरवाले,

अबला केन मा एत बले ।

बहुबलधारिणीं नमामि तारिणीं

रिपुदलवारिणीं मातरम् ।। २ ।। वन्दे मातरम् ।

तुमि विद्या, तुमि धर्म

तुमि हृदि, तुमि मर्म

त्वं हि प्राणा: शरीरे

बाहुते तुमि मा शक्ति,

हृदये तुमि मा भक्ति,

तोमारई प्रतिमा गडि

मन्दिरे-मन्दिरे मातरम् ।। ३ ।। वन्दे मातरम् ।

त्वं हि दुर्गा दशप्रहरणधारिणी

कमला कमलदलविहारिणी

वाणी विद्यादायिनी, नमामि त्वाम्

नमामि कमलां अमलां अतुलां

सुजलां सुफलां मातरम् ।। ४ ।। वन्दे मातरम् ।

श्यामलां सरलां सुस्मितां भूषितां

धरणीं भरणीं मातरम् ।। ५ ।। वन्दे मातरम् ।।

-----बंकिमचन्द्र चट्टोपाध्याय

बहु असोत सुंदर (Priya Amucha Ek Maharashtra)

बहु असोत सुंदर संपन्न की महा

प्रिय अमुचा एक महाराष्ट्र देश हा

गगनभेदि गिरिविण अणु नच जिथे उणे

आकांक्षांपुढति जिथे गगन ठेंगणे

अटकेवरि जेथील तुरंगि जल पिणे

तेथ अडे काय जलाशय नदाविणे ?

पौरुषासि अटक गमे जेथ दु:सहा

प्रासाद कशास जेथ हृदयमंदिरे

सद्भावांचीच भव्य दिव्य आगरे

रत्‍नां वा मौक्तिकांहि मूल्य मुळी नुरे

रमणईची कूस जिथे नृमणिखनि ठरे

शुद्ध तिचे शीलहि उजळवि गृहा

नग्न खड्ग करि, उघडे बघुनि मावळे

चतुरंग चमूचेही शौर्य मावळे

दौडत चहुकडुनि जवे स्वार जेथले

भासति शतगुणित जरी असति एकले

यन्नामा परिसुनि रिपु शमितबल अहा

विक्रम वैराग्य एक जागि नांदती

जरिपटका भगवा झेंडाहि डोलती

धर्म-राजकारण समवेत चालती

शक्तियुक्ति एकवटुनि कार्य साधिती

पसरे यत्कीर्ति अशी विस्मया वहा

गीत मराठ्यांचे श्रवणी मुखी असो

स्फूर्ति दीप्ति धृतिहि जेथ अंतरी ठसो

वचनि लेखनीहि मराठी गिरा दिसो

सतत महाराष्ट्रधर्म मर्म मनि वसो

देह पडो तत्कारणि ही असे स्पृहा

----- श्रीपादकृष्ण कोल्हटकर

लाल बटन - २

Push The Big Red Button 2

लाल बटन - १

Push The Big Red Button 1